“Itsasertzeko baratzak”

Azken urteotan Porto- Muiños eta Mugaritz ekosistema berezi baten berreskurapenean eta ustiapen arduratsuan elkarlanean aritu dira. Itsasertza naturako laztasunengatik kaltetuta dagoen espazio bat da. Itsasertzean, non itsaslabarrak, dunak eta padurak aurkitu daitezkeen, ura eta gatza gogor jotzen dute. Hiru paisai mota hauek flora paregabea eskaintzen dute, sukaldaritzako ezaugarri oso interesgarriekin. Belar halofiloak inguruneari egokitzeko duten gaitasunarengatik dira ezagunak. Gatzarekiko tolerantzia altua izateagatik ezaugarritzen dira, honek zaporetsuagoak eta sukaldaritzarako ezin hobeak bihurtzen ditu. Landare hauek aldez aurretik apailatuak daudela esan daiteke. Gehienak landare kontinentalen bertsio gazitua dira. Barnealdean modu basatian edo landatuta espinakak, karduak, ihiak, mingarratz handiak edo zerbak hazi egiten diren bezala, itsasertzean landare mota berdinak hazi daitezke, desberdintasun sentsorial txikiekin (gaziagoak eta batzuetan gogorragoak).

Lan hau etapa desberdinetan banatu da. Lehendabizi, basalandare mota interesgarrienak bilatu eta aukeratu ziren. Mugaritz-ek dastatze eta aukeraketa frogak egin zituen. Porto Muiños-ek landareen habitateko baldintza naturalak imitatuz laborantza sistema oso bat diseinatu du. Horretarako ureztatze, eguraste eta laborantza- patroi esklusiboak sortu ditu. Emaitza sukaldaritzarako erabilera asko izan ditzakeen itsasertzeko landare sorta da.

Hondartzako barrabas-belarrak, mingarratz handia, itsas zerba, kostako tipulatx, padurako espinaka, itsas mihilua …