Ezagutu Mugaritz

Ohiko galderak

Ohiko galderak


Nola egin behar dut erreserba?
Erreserba bat formalizatzeko, online erreserba-formularioa bete behar duzu («Erreserbak» atalean duzu). Mugaritzek erreserba berretsiko dizu, eta kode bat bidaliko dizu zuk adierazitako helbide elektronikora. Erreserba-eskaera egitean, mahaikide bakoitzeko 50 €-ko kargua egingo dugu. Kopuru hori azken fakturatik kenduko dugu, eta ez dizugu itzuliko erreserba bertan behera uzten baduzu. 

Zer gertatzen da erreserba egiteko inprimakia bete eta bidali ostean?

Erreserba ez da gauzatuko harik eta erreserba-taldearen berrespena jaso arte. Mezu elektroniko bat bidaliko dizugu adierazi diguzun helbidera. Mezu elektroniko horretan, erreserba berretsi ahal izango duzu, bai eta alergien edo intolerantzien berri eman ere.

Erreserba egina daukat, baina ez dut joaterik izango. Zer egin behar dut?

Erreserba bertan behera uzteko, sakatu «Bertan behera utzi» botoia bidali dizugun berrespeneko mezu elektronikoan.  Erreserba bertan behera uzteko, mezu elektroniko bat bidal dezakezu reservas@mugaritz.com helbidera, edota telefonoz deitu (astelehenetik larunbatera, 10:00etatik 18:00etara).

Ezin bazara bertaratu, erreserba gutxienez zortzi egun lehenago ezeztatzea eskatzen dizugu. Erreserba baino zazpi egun eta 48 ordu lehenago artean egiten baduzu ezeztapenaren jakinarazpena, pertsonako 100 €-ko kargu osagarria aplikatuko dugu. Ezeztapena 48 orduko aurrerapenarekin baino gutxiagorekin jakinarazten baduzu, edo bertaratzen ez bazarete, pertsonako kargua 150 €-koa izango da.

Nire erreserbaren eguna aldatu nahi dut. Zer egin behar dut?

Erreserba aldatu nahi baduzu, erreserba baino 48 ordu lehenago arte alda ditzakezu eguna, titularra eta pertsona kopurua. Epe horretatik kanpo aldaketarik eginez gero, ez dugu hasierako eskaeran kargatutako 50 €-ko zenbatekoa deskontatuko azken fakturatik.

Mahaikide kopurua aldatu nahi dut. Zer egin behar dut?

Erreserbako mahaikide kopurua erreserba baino 48 ordu lehenago arte alda dezakezu. Epe horretatik kanpo aldaketarik eginez gero, ez dugu hasierako eskaeran kargatutako 50 €-ko zenbatekoa deskontatuko azken fakturatik.

Epe horren barruan aldatzen baduzu, ez dizugu mahaikide gehigarrien zenbatekoa itzuliko, baina aurrerakina oso-osorik deskontatuko dugu azken fakturan. Epez kanpoko aldaketek pertsonako 50 €-ko zenbatekoa galtzea ekarriko dute.

Erreserbari mahaikide gehiago jarri nahi badizkiozu, beste eskaera bat egin beharko duzu webguneko «Erreserbak» atalean. Hasieran egindako erreserba-eskaerako izen bera eta mahaikide gehigarrien kopurua (ez mahaikide guztien kopurua) adierazi beharko dituzu.

Zein da menua?

Mugaritzen, dastatzeko menu bakar bat eskaintzen dugu. Gure sukaldaritza eta filosofia islatzen dituen menua. Menua bakar bat izateak badu bere zergatia: sasoiko produktuen hautaketa onena eskaintzea, hain zuzen ere. Menua 20 proposamen baino gehiago osatzen dute, eta aldatzen joaten gara, sasoiaren arabera, produktuen ziklo naturaletara egokitzearren. Menua diseinatzeko orduan, kontuan hartuko ditugu erreserba egitean adierazten dizkiguzun alderdiak (alergiak, intolerantziak, gustuko ez dituzun produktuak...).

Kartarik dago?

Mugaritzen ez dugu kartarik. Egun horretan zuentzako bereziki diseinaturiko dastatze menu batez gozatzeko aukera izango duzu.

Gutxi gorabehera, zenbat irauten du esperientziak? 
Gure dastatzeko menua oso zabala denez, mahaikideak 3 hordu inguru izaten dira gurekin.

Zenbat balio du menuak, gutxi gorabehera?
Menuaren prezioa 220€ da BEZ barne. Edariak ez daude barne. 

Maridajerik eskaintzen al duzue?
Jatetxera iristean gure sommelier-taldearekin zure gustuez eta lehentasunez hitz egitea gomendatzen dizugu, zure menuarekin bat datorren aukerarik egokiena eskain diezazuten. Botilaka edo kopaka eskaintzen dugu upategi-zerbitzua.
Hamar lagun baino gehiagorentzako erreserba egitean, aldez aurretik zehaztu behar da upategi-proposamena.

Opari-bonurik ba al duzue?  Mugaritzen bazkaltzeko edo afaltzeko opari bat egin nahi nuke.

Mugaritz esperientzia-kontzeptuaren oinarria bazkari edo afari baterako gonbidapen bat da, bisitatzen gaituztenek gure filosofia gastronomikoaz goza dezaten, eta ahoa ez ezik burua ere ireki dezaten. Menuarekin batera gure sommelier-taldeak prestatutako ardo-uztartzea eskainiko da. Mugaritz esperientziaz gozatzeko 18 hilabete daude hau igorritako egunetik, jabearen gain geratzen delarik oparia gozatzeko dataren aukeraketaKontzeptu honen prezioa 300€dira zergak barne. Bonu hori erosi edo oparitu nahi baduzu, edo informazio gehiago jaso nahi baduzu, bidali mezu elektroniko bat info@mugaritz.com helbidera edo deitu 943 52 24 55 telefono-zenbakira (asteartetik larunbatera, 10:00-18:00 bitartean)

Taldean joan gaitezke?

Mugaritzen zerbitzu bakoitzean 55 mahaikide arteko lekua dago, eta, espazioaren aldez aurreko erreserba pribatua eginda, 160 izan daitezke. 55 lagunetik gorako eskaerak egiteko, jarri gurekin harremanetan info@mugaritz.com helbide elektronikoaren bidez

Gure mahaien eta aulkien diseinua dela eta eta ahalik eta zerbitzu onena eskaintzeko asmoz, gure mahaietan gehienez ere 10 mahaikiderentzako tokia dago. Talde handiagoak elkarren ondoko bi mahaitan edo gehiagotan jartzen ditugu, mahaikide berdintsukoak guztiak. Upategiari dagokionez, taldearen lehentasunetara edo eskaeretara egokituko den proposamen bat egiten dugu zenbait aukeratan oinarrituta.

Gure ezerezte-politikagatik, hamar mahaikidetik gorako taldeei pertsona bakoitzaren menuaren prezioaren % 50 gordailu gisa eskatzen da erreserba berresteko. Erreserba-eskaera jaso ondoren, jarraitu beharreko pausoen berri emateko zurekin harremanetan jarriko gara. Hona hemen ezerezte-politika: doakoa izango da gutxienez bi hileko aurrerapenarekin erreserba ezereztea, gutxienez hilabeteko aurrerapenarekin mahaikideen kopuruaren erdia aldatzea eta gutxienez 48 orduko epearekin aldaketa txikiak egitea (gehienez 2 mahaikidekoak). Epez kanpoko ezerezteek pertsonako 130 euroko kostua izango dute.
 

Ordutegia
Mugaritzen bazkaltzeko, 12:30-13:00 bitartean etorri behar duzue; afaltzeko, berriz, 20:00-20:30 artean. Halere, hurrenez hurren 13:00 eta 20:30 baino lehen etortzea gomendatzen dizugu, dastatzeko menua oso zabala delako eta hiru ordu inguru emango duzulako gurekin.

Jatetxera joateko, baldintza berezirik bete behar al dut janzkeraren aldetik?
Mugaritzen ez dugu inolako janzkera-koderik. Zuek esperientziaz gozatzea eta ahalik eta erosoen sentitzea da guretzat garrantzitsuena.

Nola joan naiteke jatetxera?
Mugaritz landa-eremuan dago, Donostiatik 15-20 minutura. Autoz bakarrik etor daiteke. Google Maps aplikazioaz baliatzea gomendatzen dizugu.

Inguruan ba al da ostaturik?
Mugaritz landa-eremuan dago, eta hemendik gertuen dauden ostatuak landa-turismoak edo landetxeak dira. Donostiako turismo-bulegoaren webgunean sartzea gomendatzen dizugu, eskualdeko ostatu-aukera guztien zerrenda xehatua aurkituko baituzu bertan.

Haurrekin joan gaitezke?  Ba al dago haurrentzako menurik?
Bai, haurrekin etor zaitezkete. Ez daukagu haientzako berariazko menurik, baina, erreserba egitean, haurrekin etorriko zaretela adierazten badiguzu, zure laguntzarekin, haurrek ere beren esperientzia izan dezaten lortuko dugu.

Maskotarik onartzen al duzue?
Gure mahaikide guztien erosotasuna bermatzearren, Mugaritzeko jangelan ezin da maskotarik sartu.

Gurpil-aulkientzako sarbiderik eta mugikortasun murriztuko pertsonentzako komunik ba al dago?
Bai. Gure instalazioak mugikortasun murriztua duten pertsonentzat diseinatuta eta egokituta daude. Dena den, halako xehetasunak aurretiaz jakinaraztea eskertuko genizuke, zure premietara egokitu eta ahalik eta erosotasunik handiena eskain diezazugun, mahaian, komunera joatean eta abar. 

Inguruko aireportuak
Hegaldi nazionalak
Donostiako aireportua
Donostiako aireportua (IATA kodea: EAS; NAZE kodea: LESO) hiriburutik 22 kilometrora dago; zehazki, Hondarribian (Gipuzkoa, Espainia), Espainiaren eta Frantziaren arteko mugan.

Nazioarteko hegaldiak

Bilboko aireportua 
Biarritzeko aireportua