Denda
Bestiarium Gastronomicae
30 €
Hil zenetik hirurogeita hamabost urte betetzen diren honetan, omenaldia egin diogu Gyula Madarâszi. Bere piztiak grafikoki berregin eta azkeneraino eraman ditugu, animalia orok amaitzen duen lekura: kazolara. José Belmonte arduratu da Madarâszen idazkiak interpretatzeaz eta horiei bizia zein indarraldi grafikoa emateaz. Andoni Luis Adurizen lana, berriz, piztiak gastronomikoki interpretatzea izan da. Argazkiak Usagi Enokik atera ditu.
Madarâszek koadernotan deskribatutako ehun eta berrogeita hamar pizti baino gehiagoren artetik, hogeita hamar bat aukeratu ditugu. Aukeraketa egitea ez da erraza izan. Baina lan hori beste luzeago baten hasiera izatea espero dugu.
Madarászen lana irudimenezkoa, sarkastikoa, sakona eta kartsua da, eta ezagutzera ematea merezi du. Zein pauso eman behar ditugun erakutsi zigun: begien bistakoa ikertzea, hazkatzea eta behar bezainbeste aldiz iraultzea, harriak txinpartaka hasi arte. Hainbeste miretsi zuen Tuholi tribuaren esaera zahar batek dioen moduan, "pazientzia duenak harria hitz eginarazi arte egosten jakin behar du".
